拆解身體內藏的科學密碼,來認識自己的身體吧。
為大家帶來運動及健康資訊。
試鞋試出敗血病
6日前
試鞋試出敗血病
試鞋試出敗血病

早前USATODAY報導,英國26歲媽媽Jodie Thomas同老公有3名子女,住喺南威爾斯。佢表示因為天氣好熱,就帶4歲女兒Sienna Rasul去鞋鋪買涼鞋,揀咗幾款畀女女赤腳試著,估唔到女女腳部有傷口,致細菌感染。 第二日女女開始發燒、抽搐、顫抖,Jodie即送佢去醫院。醫生後來證實女女患有敗血病,相信係試著新鞋時,腳上傷口感染鞋內細菌,必須立即做手術。 

Jodie表示,唔好睇小女女呢個病,細菌感染由腳部蔓延到全身,試新鞋時根本唔會知道上次邊個試著過。女女住院5日,醫生幫佢打點滴,令傷口流膿排出毒素。

Jodie後來喺fb出Po告誡其他父母,如果帶子女出外買鞋,試鞋時記得著襪,以防同類事件發生。 女女已順利出院,但重要接受觀察。醫生警告,Sienna嘅病例提醒大家,敗血症可能喺任何時候感染畀任何人。而據了解,「敗血症」係因感染以致「全身性發炎反應症候群」,會出現發燒或低體溫、心率過速、呼吸過速、白血球過多或過少、不成熟白血球過多等症狀。

如果病情進展到「嚴重敗血症」程度時,患者會有器官永久衰竭,導致死亡,或要依賴人工機器支持,先勉強可以維持生命。

大家試鞋要小心喇!
__________________________________
睇精彩短片