拆解身體內藏的科學密碼,來認識自己的身體吧。
為大家帶來運動及健康資訊。
煲延禧煲到血壓高
6日前
煲延禧煲到血壓高
煲延禧煲到血壓高

台灣有一位患高血壓心臟病婦人,平時血壓好穩定,但有一個星期,血壓突然變得好高。佢平時飲食冇過重鹹、又冇面對大壓力,更冇中樂透或情緒激動。醫生追問之下發現係「煲延禧」而出事。由於事主徹夜追劇,致睡眠不足,而令血壓飆高。

新光醫院心臟內科主治醫生洪惠風說明,高血壓心臟病嘅危險因子,除咗天氣、生氣、壓力大、空氣污染、情緒激動外,睡眠不足都係原因之一。因為人體喺瞓覺時,血壓會下降15%,起身後,血壓先會慢慢升高。相反,當睡眠唔夠,血壓未適當下降,就會不斷飆升。

錯誤追劇習慣會成為致命興趣,醫生又解釋,對有心血管疾病嘅患者嚟講,成日捱夜會令血壓飆高,增加中風或心肌梗塞發生機率。

近年上網捱夜煲劇嘅人越來越多,但好多人唔知熬夜一日後,想恢復正常血壓,需要保持正常作息2至3日,且補眠效果都唔會有太大幫助。

醫生表示,要求患者唔追劇好難,所以會提醒佢哋要養成量血壓習慣,重要定期畀醫生檢查血壓紀錄。如果一直都有穩定嘅血壓,有日突然偏高,通常都係同生活作息有關。如果發現因追劇,導致血壓有逐漸偏高的趨勢,就要立刻暫停捱夜行為,好好瞓覺。

__________________________________
睇精彩短片