拆解身體內藏的科學密碼,來認識自己的身體吧。
為大家帶來運動及健康資訊。
炸物令人胸部暴漲?
09月14日
炸物令人胸部暴漲?
炸物令人胸部暴漲?

台灣有一位重約200磅嘅17歲少年,細個好鍾意食炸嘢、可樂等高熱量同高油脂食物,導致體重過重、胸部變大。平時著衫都會明顯激凸,運動時胸部又會上下晃動,對佢造成好大困擾。返學時,被同學取笑,嚴重影響佢社交生活,每逢體育堂佢都一定請假。

台灣嘅中國醫藥大學兒童醫院醫生陳信翰指出,呢位少年高1.75米,佢求診時提過,體重曾飆升到約200磅。少年升上高中後,開始注重外觀,經常去健身房鍛煉身型,同埋配合節食等,成功瘦到75公斤,但最令人尷尬嘅就係胸部沒瘦落嚟,形成激凸情況。

最後,醫生確認呢位少年患「男性女乳症」,目前先用藥物控制,2年後如重未改善就要進行乳腺切除手術,先可以恢復平坦胸部。

醫生指「男性女乳症」同飲食西化及環境荷爾蒙影響有關,尤其呢個少年長年飲食習慣不佳,青春期荷爾蒙又紊亂,加上飲食上尤其係雞肉等肉類喺飼養過程會加咗荷爾蒙,所以會影響男童喺青少年時期發展,刺激到男性乳腺發育。各位男士唔想突然胸大到令人尷尬,飲食上要注意下啦,唔好過量呀!
__________________________________
睇精彩短片