健康是最大的財富,來看看追求活力人生的故事吧。
為大家帶來運動及健康資訊。
飲「尿」減肥加醫暗瘡?
5日前
飲「尿」減肥加醫暗瘡?
飲「尿」減肥加醫暗瘡?

近年唔少Blogger都推崇尿液療法。近日,據《每日郵報》報導,49歲氣象學家Christo Dabraccio喺網上睇到尿液療法,起初覺得好嘔心,但當佢睇到好多網上評論後,就開始相信。

佢會裝起自己啲尿,每日約飲3杯左右,更會用尿液洗臉同洗眼。佢指出,尿液中含有嘅化合物會被身體重新吸收,提高身體對抗疾病嘅能力,並提供其他解毒作用。佢感到自己身體健康咗,頭腦更清醒,重成功減去30磅。

之後,26歲畫家Julia Sillaman喺Dabraccio推薦下,試用尿液療法,佢將尿液按摩臉部,有效解決困擾佢好耐嘅暗瘡問題,飲尿後重成功減走25磅。佢表示,會一直繼續使用飲尿。 

皮膚科專科醫生史泰祖指尿液係經泌尿系統同尿路排到體外嘅液體排泄物,成分包括尿素、礦物質同唔同化合物,係冇任何營養價值。醫學上亦冇科學證據證實尿液療法對減肥或去暗瘡有功效。

飲尿減肥真係可以減肥?醫生推斷係因為用家飲尿後冇胃口進食,自然有減肥作用。同時,醫生提醒,尿液係身體排出唔要嘅成分,再飲下去,有機會增加體內毒素,增加腎負荷,令身體機能變差,嚴重會有腎虧。
__________________________________
睇精彩短片