拆解身體內藏的科學密碼,來認識自己的身體吧。
為大家帶來運動及健康資訊。
你係寒底定熱底?
09月14日
你係寒底定熱底?
你係寒底定熱底?

平時有飲開茶嘅人都會知道,唔同茶種係適合唔同底子嘅人。但你又了唔了解自己係咩底呢?

康河中醫診所註冊中醫師古鎧綸教你分出自己屬於咩底!

1. 熱底人士
佢哋比較鍾意飲冷飲﹑生口瘡﹑容易喉嚨痛﹑易生暗瘡﹑體溫較高﹑小便偏黃。

2. 寒底人士
比較怕凍﹑飲凍嘢會令身體唔舒服﹑冬天易生凍瘡﹑手腳或全身冰凍,嚴重人士會喺夏天時著大褸。

3. 濕底人士
可分為「濕熱」同「痰濕」兩種。
i) 「濕熱」
人士面有油光﹑口苦﹑脷黃且咸﹑容易生暗瘡﹑疲倦﹑大便黏稠﹑小便量少且黃﹑去廁所時會感到赤痛﹑婦女帶下偏黃。

ii) 「痰濕」
容易感到疲倦乏力,中醫角度嚟講係聚濕生痰,易肥,脂肪容易積聚喺腹間形成中央肥胖﹑口苦﹑多汗且黏﹑多油脂粒。嚴重人士會感到胸悶﹑多痰﹑鼻水倒流。另外,據醫生觀察,「痰濕」嘅人亦多數鍾意食肥膩嘢食。