拆解身體內藏的科學密碼,來認識自己的身體吧。
為大家帶來運動及健康資訊。
魚足浴滿細菌
09月18日
魚足浴滿細菌
魚足浴滿細菌

每日郵報報導指出,澳洲女子Victoria Curthoys 17歲時因為踩中玻璃感染細菌,當佢發現時,細菌已經入骨,重有骨髓炎(osteomyelitis),最後右腳大腳趾被截去一半,不過佢都覺得冇大礙。

直到2016年,佢去泰國旅行時,幫襯過一間溫泉魚足浴店。返到澳洲,佢開始唔舒服同發燒。原來係大腳趾再受感染,醫生用超過一年時間先查出佢感染希瓦氏菌(shewanella),要截去其餘嘅半隻大腳趾。
切走大腳趾後,發現行路時其他四趾唔單係承受壓力,第二趾長重生厚繭,腳板底又出現感染情況,需截埋第二趾。點知過咗兩年,有一排佢每日起身都嘔同成日發燒。醫生幫佢檢血後,發現白血球唔尋常,為免感染,需再截去第三同四趾。

而上年佢又發現尾趾出現異狀,間唔中發現隻襪沾有液體,檢查後發現尾趾都受感染,最後一隻腳趾都要截走。

佢好勇敢向大眾分享佢呢件事,希望大家有咩受傷就好立即睇醫生,唔好好似佢咁去到一發不可收拾地步。
__________________________________
睇精彩短片