拆解身體內藏的科學密碼,來認識自己的身體吧。
為大家帶來運動及健康資訊。
防鼻敏感秘訣
09月18日
防鼻敏感秘訣
防鼻敏感秘訣

香港過敏協會指出,香港每4個人中就有1個人患有鼻敏感。當身體遇上致敏原,免疫系統就會產生一連串反應,釋放出致發炎嘅物質。呢啲物質喺身體產生後,就會出現過敏症狀,例如流眼水同鼻水,嚴重啲重會有過敏休克反應或氣管腫脹。

如果你成日鼻痕、流鼻水、流眼水、鼻塞、打噴嚏、睡眠質素唔好,你可能有鼻敏感, 鼻敏感會影響學習、工作等日常生活。

預防方法有好多種,除咗藥物控制外,重可以試下以下方法:

1.    儘量避免用厚重布料,好似窗簾、毛毯。

2.    每1~2星期就要徹底清洗平時棉被同床單,再用超過55℃嘅熱水浸泡,加強防敏效果。

3.    出外時,要先掌握氣溫變化,同時採用洋蔥式著衫方式。洋蔥式著衫係指,最內層要著打底,中間嗰層著保暖內衣,最外面嗰層著風褸。重要配合戴口罩,減低吸入致敏原機會。

4.    據美國環境保護署調查,室內空氣污染嚴重程度高過室外5倍,除咗日常要多打掃、同換寢具,你又可以借助空氣清淨機嚟濾除室內有害懸浮微粒。

其實大家只要遠離塵蟎、花粉同小麥呢啲致敏原,注重個人衛生,就冇咁容易患上鼻敏感!
__________________________________
睇精彩短片