拆解身體內藏的科學密碼,來認識自己的身體吧。
為大家帶來運動及健康資訊。
戴con游水會失明
09月18日
戴con游水會失明
戴con游水會失明

英國《每日郵報》報導,指出39歲嘅Emma Jenkins一家四口喺2013年去蘇格蘭度假。Emma喺酒店游泳期間一直戴con,冇諗過喺水入面只有20分鐘,左眼就開始劇痛,令佢即刻除低對con。 

幾日後佢開始頭痛、視力模糊,但佢冇即刻睇醫生,等假期完先去求診。初時醫生診斷佢患前段葡萄膜炎(Anterior uveitis),即係眼中間一層包括虹膜同周圍組織發炎,要滴類固醇眼藥水。

但佢對眼睛都係痛得擘唔開,3日後佢再到診所求醫,先驗出患微生物感染性角膜炎,導致佢整個眼虹膜嚴重潰瘍,出現疤痕,幾乎失明。去到前年4月,做咗角膜手術後,視力開始恢復,但眼內仍留有疤痕,令佢睇嘢唔係好清。醫生更指將永遠無法恢復正常視力。

香港眼科醫學院前院長周伯展眼科專科醫生指,提醒大家唔好喺污糟水入面游水,同埋游水時要避免戴con,否則就有機會令阿米巴變形蟲或假單胞綠膿桿菌走入眼睛,嚴重可以喺10至20小時內導致永久失明。游水時記得戴泳鏡唔好喺冇泳鏡情況下擘大眼,上水後要用乾淨毛巾或紙巾清潔眼睛。
__________________________________
睇精彩短片