拆解身體內藏的科學密碼,來認識自己的身體吧。
為大家帶來運動及健康資訊。
肚痾痾到腎衰竭
09月19日
肚痾痾到腎衰竭
肚痾痾到腎衰竭

台灣一名男子黃先生,佢有慢性腎臟病同高血壓病史。平時有固定服藥,但近期去泰國旅行疑似腸胃炎,一直肚痾。返到台灣後,覺得身體比以前虛弱、易頭暈,後來更出現氣喘、食慾不振,去睇醫生先知自己有急性腎衰竭同「酸血症」。 

童綜合醫院腎臟科醫生簡孝文指出,黃先生喺泰國時因多次腹瀉造成脫水,身體因缺乏水分,造成腎臟功能大幅下降。再加上佢重持續服用降血壓藥物,令腎臟無法代謝藥物,累積喺體內嘅藥物持續發揮藥效,致血壓降得太低,而感到頭暈。

最後黃先生確診患急性腎功能衰竭同酸血症後,要即時停藥,再大量補充水分,腎功能先慢慢恢復到原本狀態。

醫生又提醒有慢性腎病患者最好定期覆診同做健康檢查,畀醫生評估身體狀況。同埋記得平時多啲飲水,透過小便去排出體內毒素呀!
__________________________________
睇精彩短片