拆解身體內藏的科學密碼,來認識自己的身體吧。
為大家帶來運動及健康資訊。
失眠人士必學:二戰軍隊光速入睡法
09月21日
失眠人士必學:二戰軍隊光速入睡法
失眠人士必學:二戰軍隊光速入睡法

有冇人成日失眠?失眠可能係因為情緒緊張同有壓力所致。二戰時期,軍人面對戰場上嘅壓力難免會有失眠嘅情況,海軍少尉Lloyd Bud Winter同心理學家就研發出一套放鬆身心盡快入睡嘅方法,令軍人練習後可以喺兩分鐘內入睡,成功率高達96%,大家不妨參考下。


步驟:
1. 放鬆臉部肌肉,包括舌頭、下巴同眼睛周圍嘅肌肉。
2. 放鬆肩膀,然後逐邊放鬆右邊上臂、下臂,然後放鬆埋左邊。
3. 深呼吸,放鬆胸部,保持緩慢呼吸。
4. 放鬆腿部肌肉,先是大腿,然後是小腿。
5. 放鬆心情,唔好諗嘢,可以想像自己瞓喺平靜嘅湖面獨木舟上,望住天上嘅藍天白雲;又或者想像自己喺漆黑嘅房中好舒服咁依偎喺黑色天鵝絨吊床上;另外亦可以花十秒一次又一次地講「唔好諗嘢」。


初初試未必會瞓得著,建議要練習約六星期,就會開始有效。