拆解身體內藏的科學密碼,來認識自己的身體吧。
為大家帶來運動及健康資訊。
天生大眼非好事
09月21日
天生大眼非好事
天生大眼非好事

根據《每日郵報》報導,美國尼蘇達州一位新手媽媽Karina Martinez,喺兩年前生咗女女Mehlani。女女出世嗰日後,好多人發現佢對眼又圓又大,都稱讚「超可愛」,重認為女女長大會係絕世美女。

媽媽Karina都好開心,感謝上天畀佢生咗一個咁可愛嘅寶寶。但估唔到一星期後,醫生發現唔妥,同女女做進一步檢查。結果發現佢患有罕見疾病「阿克森費爾德-裡格爾綜合症(Axenfeld-Rieger syndrome)」。

醫生指出,女女眼睛又圓又大,係因為罕見、先天性疾病造成,呢個病會令雙眼出現發育性缺陷症狀,導致眼球異常過大、聚吸過多光線。經測量,女女眼珠佔咗成個眼眶四分之三空間。而女女5個月大嗰時被診斷患有青光眼,出街都要戴太陽眼鏡。好彩及時發現,女女手術後順利保住視力。

而家2歲嘅女女Mehlani視力亦越嚟越穩定,身體都好健康。未來嘅日子都一定要戴太陽眼鏡,但媽媽Karina最後選擇唔話畀女女知有關病情,更表示希望佢可以知道自己係好靚。
__________________________________
睇精彩短片