拆解身體內藏的科學密碼,來認識自己的身體吧。
為大家帶來運動及健康資訊。
癌症同器官買一送一
09月21日
癌症同器官買一送一
癌症同器官買一送一

美國CNN報導,歐洲有報告顯示,有個案係有4名患者接受同一位捐贈者器官,喺接受移植手術數年後都患乳癌,其中3個已過世。

University of Amsterdam腎臟學教授Frederike Bemelman強調,呢個係「極罕見」案例。佢指出醫療過程中,都會有出錯嘅風險

呢位53歲器官捐贈者本身係冇已知疾病,所以就捐贈腎臟、肺臟、肝臟同心臟,檢查時都未發現有任何惡性腫瘤。嗰3名器官受贈者係因癌細胞轉移而死亡。而第4名受贈者係喺一連串治療後先仍活下來,包括摘除受贈嘅右腎、停用免疫抑制劑同進行化療。免疫抑制劑係器官移植後避免器官排斥所服用嘅藥物。

教授又強調,一旦發現患衍生自器官捐贈者嘅癌症,摘除受贈器官係非常有幫助嘅做法。咁樣可以畀患者停止服用免疫抑制劑,令免疫系統自行修復,對抗腫瘤細胞。 

呢個只係一件個別事例,所有手術都係有一定嘅風險,記得要先咨詢好醫生意見,再自行評估先做決定!
__________________________________
睇精彩短片