美食當前,如何才吃得「有營」?
為大家帶來運動及健康資訊。
秋風遇蜂蜜
10月05日
秋風遇蜂蜜
秋風遇蜂蜜

蜂蜜除咗有好高營養價值外,亦含有豐富嘅抗氧化劑、酵素同多種有治療作用嘅成分。

外國營養食品網站Naturally Savvy,列出5個妙用蜂蜜嘅方法,大家都去試下啦!

1.    去角質
用2湯匙嘅蜂蜜加上1湯匙蘇打粉調和,就可以自製高品質嘅天然去角質劑,令臉部肌膚變得更細膩。蜂蜜能滋潤、清潔肌膚,小蘇打粉有助去除老化嘅角質層。
以畫圓弧方法輕柔按摩搓洗臉部,再用溫水洗淨就可以。

2.    保濕
天然蜂蜜有極高保濕效果,分分鐘好過化妝架上保濕產品。
只要喺乾燥潔淨嘅臉頰塗上蜂蜜,再停留20分鐘,然後用溫水洗淨同擦乾,就令臉上肌膚保持水嫩。

3.    修護乾裂皮膚
除咗保濕,蜂蜜重可以係天然乾裂皮膚修護霜。
將蜂蜜、椰子油同蘋果醋各1茶匙混合,喺皮膚上塗抹按揉,再停留10分鐘,最後以溫水洗淨就可以。

4.    淡化燒傷疤痕
蜂蜜有殺菌、消炎同修復皮膚組織嘅功效,有助於修復燒傷瘡口及淡化疤痕。
只要每日多次喺燒燙傷口上塗抹天然蜂蜜,就可以減緩傷口疼痛同加速復原。

5.    緩解暗瘡
臉上有暗瘡,同皮膚嘅真菌同細菌感染發炎有關。由於蜂蜜有殺菌消炎功能,將蜂蜜塗上暗瘡,15分鐘後用溫水洗淨,就可以減緩暗瘡腫痛問題。