美食當前,如何才吃得「有營」?
為大家帶來運動及健康資訊。
健康常餐大法
10月08日
健康常餐大法
健康常餐大法

澳洲註冊營養師謝詠瑩(Gloria)指出如果將部分常餐嘅配搭轉變一下,成個常餐嘅卡路里可以減少800卡咁多,消耗量等同跑咗兩個鐘步。

食常餐時,將以下5樣食物轉一轉就可以減肥都食得常餐:

1.    午餐肉→火腿鮑魚絲(慳230卡)
每100克午餐肉(約兩片,半寸厚)就有約287卡,當中含有四茶匙油,個熱量係肥過一塊飯。相反,火腿鮑魚絲脂肪含量就比午餐肉低約10倍。但由於火腿都係精製肉類,建議一星期唔好食多過三次。

2.    公仔麵→通粉(慳200卡)
本身一個公仔麵就有三茶匙油,而高溫油炸過嘅麵就含較高丙烯酰胺,容易致癌。

3.    炒蛋→煎太陽蛋(慳90-135卡)
平均每兩隻炒蛋就有4-6茶匙油,而越滑嘅炒蛋就會越多油。建議轉食太陽蛋,因為油份相對少好多。

4.    多士唔要牛油(慳108卡)
一湯匙牛油就有108卡熱量。好多人會選擇加錢轉食奶油豬仔包,咁樣會至少多200卡。下次食多士最好叫走牛油,會冇咁肥。

5.    奶茶→檸茶(慳150卡)
由於熱奶茶一杯熱量120千卡,有人會想再夠味啲,會叫「茶走」,咁樣會令奶茶變得更肥。建議想健康啲就叫去糖檸茶,可以慳多150卡。