健康是最大的財富,來看看追求活力人生的故事吧。
為大家帶來運動及健康資訊。
再見喇!精靈訓練員!
10月15日
再見喇!精靈訓練員!
再見喇!精靈訓練員!

台南佳里一位79歲嘅精靈訓練員陳碧鳳,有綽號「芳芳阿姨」之稱,因為佢喺手遊Pokémon GO嘅帳號叫「FengFeng128」。2年前因為屋企人關係就步入咗寵物小精靈嘅世界,之後一玩就上咗癮。

喺舊年嘅11月,佢被診斷出患有胰臟癌,但佢唔接受化療,選擇把握當下,並將生活重心放喺佢最鍾意嘅捉精靈上,但好不幸,最後佢不敵病魔,喺今年7月31日離世。

由於玩咗呢個遊戲,阿姨識咗好多唔同朋友,而呢班訓練員朋友收到佢離世消息後,一名劉姓男網友召集網民發起「全鎮櫻花雨」活動去悼念活動。

由於阿姨8月8日出殯,網民就揀喺8月11日發起活動,最後集結咗5、600人,喺全鎮上各個補給站不停灑櫻花,持續咗近3個鐘。喺當日,佳里全鎮陷入一片「櫻花雨」,全鎮都變成阿姨所屬隊伍嘅紅塔,雖然訓練員們都唔認識佢,都為咗悼念芳芳阿姨,協力合作,團結景象真係好令人感動。

希望阿姨喺另一個世界睇到大家為佢灑下花瓣嘅一刻喇!#一路好走