健康是最大的財富,來看看追求活力人生的故事吧。
為大家帶來運動及健康資訊。
5種飯後唔可散步嘅人
10月19日
5種飯後唔可散步嘅人
5種飯後唔可散步嘅人

生命時報指出其實飯後散步唔係人人都啱,又指出以下五種人飯後散步要特別注意。

1.    胃下垂人士
飯後即刻活動會造成胃部震動,令胃病問題更嚴重,要避免散步,建議飯後平躺10~20分鐘。

2.    冠心病、心絞痛病人
食飯後進行運動容易誘發心絞痛或係心肌梗塞。建議飯後抖一個鐘先好散步,每次最好半個鐘、速度唔好太快。

3.    高血壓、腦動脈硬化、糖尿病患者
食完飯即刻散步會造成體位性低血壓,繼而頭暈無力。建議靜坐10~30分鐘先好去散步。另外,高血壓人士散步時,最好上半身挺直,避免壓迫胸部同埋影響心臟功能。而行路嗰時,最好前腳掌著地,如果後腳跟著地會令大腦一直處於震盪中,易頭暈。

4.    慢性活動性胃炎、消化性潰瘍患者
飯後散步會增加腸胃蠕動,食物對胃壁造成刺激,影響胃黏膜修復。飯後適當抖下,令腸胃道有更多血液供給,令食物可以充分消化。

5.    貧血、低血壓人士
飯後血液都供畀胃部,散步好易令腦部相對缺血,出現頭暈。