拆解身體內藏的科學密碼,來認識自己的身體吧。
為大家帶來運動及健康資訊。
蛞蝓致腦癱
11月08日
蛞蝓致腦癱
蛞蝓致腦癱

綜合外媒報導,澳洲男子Sam Ballard原本係橄欖球隊風雲人物。喺2010年時同朋友參加party後,佢嘅人生徹底改變。

喺party入面佢飲醉咗,接受朋友大冒險挑戰,就喺花園捉咗條蛞蝓直接一口氣吞落肚。點知吞咗冇耐,身體就出事。送院急救後,診出血液含有「廣東住血線蟲」(Rat Lungworm),之後重有嗜酸性腦膜炎(eosinophilic meningo-encephalitis),昏迷咗420日。

住咗醫院嘅Sam終於出到院,但因為四肢癱瘓,冇法自理,要靠輪椅同喉管餵食。點知佢喺出院第二日,因併法症而死亡。臨終前重同媽媽講咗句「我愛妳」,享年28歲。

醫生表示, 廣東住血線蟲通常都寄生喺老鼠,蝸牛同蛞蝓等生物入面。人類食落肚,線蟲就會進入體內,繼而引發腦炎、腦膜炎,甚至死亡。