俗語話「一日一蘋果、醫生遠離我」，其實只係一個坊間用嚟提醒人要食多啲蔬果嘅講法，《美國醫學會內科醫學期刊》特別指出，每日食一個蘋果嘅人睇醫生嘅次數唔會少於少食甚至唔食蘋果嘅人；事實上，靠某一種或幾種食物並唔可以使人遠離疾病，食物多樣化帶嚟嘅全面均衡營養先係健康嘅要訣。
而英國倫敦帝國學院一個研究亦指出，一日一蘋果而唔食其他蔬果嘅話，係唔會健康咗。研究指每日要起碼要食5份蔬果（每份約80克）先可以為健康帶嚟好處，大大減低患上心臟病、中風、心血管疾病、癌症等疾病嘅機會，甚至降低過早死亡的風險。