拆解身體內藏的科學密碼,來認識自己的身體吧。
為大家帶來運動及健康資訊。
真係有旅行後抑鬱!
11月20日
真係有旅行後抑鬱!
真係有旅行後抑鬱!

大陸江蘇《揚子晚報網》報導指出,一名30幾歲嘅李男子好鍾意去旅行。早前,佢去咗十幾日夏威夷旅行後重投工作,點知令佢陷入一種莫名嘅傷感中,變到萎靡不振。重飽受時差折磨,瞓唔到覺,成身冇力,甚至有頭痛想嘔。原本以為抖幾日會好轉,冇諗到竟持續咗好一排。 

心理精神科博士汪天宇據事主症狀同持續時間判斷,佢係患咗「旅行後抑鬱」。醫生指出,「旅行後抑鬱」係一個好普遍嘅現象,特別係長途旅行後。因為從理想生活回到現實,從自由散漫返到條條框框,自然會情緒有落差。 醫生又提醒如果憂鬱情緒持續時間大於兩星期,就要警惕係唔係患有憂鬱症,建議儘快去睇醫生。

醫生指出要緩解長假後嘅憂鬱可以喺放短假時去外旅遊,去周邊城市嚟一次周末旅行,或者係趁記憶重未消退時,寫低旅行時發生嘅故事,記錄當時心情,咁樣就可以幫你慢慢走旅行抑鬱。