健康是最大的財富,來看看追求活力人生的故事吧。
為大家帶來運動及健康資訊。
十分鐘記憶生活
11月19日
十分鐘記憶生活
十分鐘記憶生活

台灣新竹縣男子陳宏智喺早年發生車禍後,大腦海馬體因為受嚴重受損,令佢記憶退化,只記得10分鐘嘅嘢。咁多年入面,佢靠拾荒,耕作小農物同早年政府傷殘資助過生活。

由於佢記憶力有限,佢會用筆記去記錄低所有生活細節,所以被台灣傳媒稱為「筆記本男孩」佢用開嘅單行筆記簿已經寫到密密麻麻,佢想透過呢本筆記去記低幫過咩人,喺農田上做咗啲咩,將筆記成為佢嘅記憶。

台北榮民總醫院精神病學部門主任林醫生,指出宏智同一般人大腦有好大分別,因為憑佢張X光相睇,可以見到佢大腦有一部分係黑色咗。黑色嘅位罝就係車禍後,大腦損失去嘅一部分,醫生又稱有咁嘅狀況,佢重可以做自己想做嘅事已經好犀利。

而佢媽媽就最擔心自己日後離開咗後,冇人照顧宏智。希望有一日會有奇蹟出現喺宏智身上,令佢可以過返正常人生活。