拆解身體內藏的科學密碼,來認識自己的身體吧。
為大家帶來運動及健康資訊。
防非洲豬瘟蔓延!
11月21日
防非洲豬瘟蔓延!
防非洲豬瘟蔓延!

最近台灣金門有一名去完大陸嘅旅客帶含豬肉嘅火鍋料(如:豬肉乾、香腸、火腿等)入境,但又冇出書面或口頭申報,搞到要被海關當場銷毀。

男子被禁止帶豬肉入境嘅原因除冇申報外,係因為大陸現正有非洲豬瘟嘅疫情,重不停蔓延緊。中國31省市自治區已超過半數有呢個疫情,好似遼寧、天津、山西、雲南、湖南、貴州、重慶等地方。而最早爆發疫情嘅地方係遼寧省,亦係疫情數目最多嘅地方之一。

非洲豬瘟多數係以接觸嚟傳染,可經廚餘、節肢動物、動物分泌物或排泄物、車輛及人員夾帶等途徑去傳播。雖然非洲豬瘟嘅病毒唔會傳畀人,但係會嚴重影響產業生產。

台灣為免病毒入侵本土,影響地區畜牧產業,已勸市民到大陸旅行時唔好參觀養殖場,同埋唔好帶肉製品入境。

所以,雖然病毒唔會傳染人體,但安全起見,呢排返大陸時,盡量唔好食豬或者買豬肉產品返嚟喇!