健康是最大的財富,來看看追求活力人生的故事吧。
為大家帶來運動及健康資訊。
只想睇到兒子長大
12月03日
只想睇到兒子長大
只想睇到兒子長大

上年3月時,英國媽媽Emma Shaw患有乳癌。有次做完治療後忍唔到喊,佢8歲嘅小朋友問:「媽咪你做咩喊?」,嗰時佢唔敢同仔仔講自己有乳癌,只係話有感冒。患病期間,佢遇到佢嘅另一半Darren Moss。成個治療過程,Darren一直都陪喺Emma身邊,畀好大支持。經過多次乳房腫瘤手術、化療同放射療法,去到舊年11月終於成功將體內癌細胞清除。

可惜,今年3月,Emma因肺炎入院,更發現癌細胞原來冇被清除,同埋癌細胞出現擴散。之後,院方診斷Emma嘅乳癌已去到第四期,醫生已同佢講得返一年命。由於病情好嚴重,只可以用免疫治療法(immunotherapy)去續命。

院方更表示暫時最好嘅治療係喺美國進行,但係費用好高昂。呢個時候,Emma冇放棄,因為佢想畀仔仔知道,媽咪係會盡力睇佢長大。

Emma喺網上發起籌款,希望籌到9萬英鎊(約90萬港元)去應付巨額醫療費。到目前,佢現已籌到3萬4千英鎊,大約有1339人出手相助。希望佢可以平安冇事,完成心願!