健康是最大的財富,來看看追求活力人生的故事吧。
為大家帶來運動及健康資訊。
多年沒發現自己係男人
12月04日
多年沒發現自己係男人
多年沒發現自己係男人

湖南湘潭26歲女子小慧(化名)結咗婚後一直冇BB,有日去醫院做檢查時,意外發現自己係「男人」。\

小慧喺15歲嗰時,驚覺自己重未有月經,就去睇醫生,服用咗黃體酮後,每個月都正常咁嚟經。佢同老公結婚一年幾,想同老公生小朋友,但一直冇消息。後來去醫生度檢查,醫生指佢嘅染色體係46XY,生物學上判定係男性。知道消息後,佢好傷心,因為佢一直都想做媽媽,又唔知點同老公交代。

之後佢去咗湖南省婦幼保健院做進一步檢查,發現佢身體係屬於「兩性畸形」。而主診醫生王鵬表示小慧有女性嘅形態特徵,好似有乳房、外陰、陰道等,但因為子宮發育唔健全,就算行為舉止係女性,但佢嘅體內都存有「隱形」睾丸。

小慧要接受切除容易發生癌變嘅性腺手術,再透過雌激素同孕激素進行周期性治療,令子宮重新發育。如果一切都成功,佢就可以圓夢,成為100%女性同埋可以為老公生小朋友!