美食當前,如何才吃得「有營」?
為大家帶來運動及健康資訊。
血液係脂肪?
11月29日
血液係脂肪?
血液係脂肪?

綜合內地媒體報導,指出17歲少女小錢因為父母好少理會佢,佢每日都自己解決三餐。初中嗰時,佢開始愛上食垃圾食物,去到高中時,幾乎日日都食漢堡、炸雞,可樂就當水飲。但身高160cm嘅小錢,體重都係得42kg。

直到早前,佢食咗紅糖後,突然腹痛、嘔吐,開頭以為係急性腸胃炎。打完消炎針都冇好轉,後來轉去醫院檢查,確診佢患有急性胰臟炎。工作人員幫佢抽血時,發現啲血係粉紅色,而且好快就凝固。搶救期間,醫生幫佢換咗3次血,濾出8公升白色「脂肪液」,輸入嘅血漿等於兩次全身換血。搶救咗3日,小錢先脫離危險期。

後來醫生指出因為小錢成日食三高嘅垃圾食物,令佢血脂爆標同新陳代謝情況紊亂,所以引發今次嘅胰臟炎。

香港糖尿病專科中心主席及行政總裁周振中醫生指出成日食高脂食物會令血脂高,但亦有可能係先天處理三酸甘油酯出現問題所引致。高血脂嘅人可透過飲食或藥物去改善,但情況太緊急或藥物都幫唔到手就要「洗血」。