拆解身體內藏的科學密碼,來認識自己的身體吧。
為大家帶來運動及健康資訊。
唔攬被被就冇安全感?
12月06日
唔攬被被就冇安全感?
唔攬被被就冇安全感?

早前有位網民喺FB群組「爆廢公社」分享佢妹妹有張藏咗30年嘅小被被,已經爛到得返布屑,但係佢都唔肯掉。有時佢會放喺袋,久唔久就攞出嚟聞下、又摸下咁,令姐姐好費解,唔明有乜嘢咁留戀,重曾經諗過偷偷掉咗佢。

美國NGH註冊催眠治療師隼人指出,喺心理學上,呢個現象叫「安全毯現象」(Security Blanket),就係當我哋內心缺乏咗某種心理補償時,喺有意識或潛意識入面,去搵一個代替品嚟滿足自己心理需求,然後慢慢我哋會對呢件物品產生一種依賴感。

而每個人都有唔同成長背景,生活環境同人際關係,各自有唔同原因去保留呢啲瞓覺伴侶,尋求安全同依賴嘅心理,係屬於人類嘅本能。

有時呢啲依戀物品可以成為佢哋情感抒發嘅對象,對物品進行拉扯、緊抱或者搥打公仔等行為,其實係可以抒發負面情緒,當情緒釋放後,心情就會變得輕鬆。

記得唔好擅自掉咗佢哋嘅依戀物呀!