健康是最大的財富,來看看追求活力人生的故事吧。
為大家帶來運動及健康資訊。
雪橇係神醫
12月05日
雪橇係神醫
雪橇係神醫

《每日郵報》報導,美國威斯康辛州52歲女子Stephanie Herfel,喺2011年收養咗隻西伯利亞雪橇犬Sierra。兩年後,Sierra成日貼近主人腹部,用鼻大力咁聞,之後就好驚咁躲起嚟嘅怪異行為。點知有日,Herfel急病入院,發現體內有卵巢囊腫,再做檢查後,確診第三期卵巢癌。

做完切除子宮、卵巢、脾臟手術同化療後就好返,但冇耐,狗狗分別喺2014同2016先後出現怪異行為,最後主人做檢查都發現身體出事,例如查出癌症轉移到肝臟同盆骨,好彩及時做到治療而冇事。

Herfel認為狗狗Sierra有準確「診斷」嘅能力。因為狗狗都對佢屋企訪客做出不停聞嚟聞去嘅行為,最後訪客都被診出身體有毛病。

主診醫生David Kushner指出,Sierra唔係個別事件。其實世界各地時不時就會有類似案例,唔同品種嘅狗隻天賦都唔同,能夠聞出人類係咪有患癌,準確度係高達98%。

所以各位主人,如果發現狗狗突然做出怪異行為,好似不停喺你身上聞嚟聞去,咁你要小心喇!