拆解身體內藏的科學密碼,來認識自己的身體吧。
by 體健
by 體健
為大家帶來運動及健康資訊。
毛囊炎當性病
2018年12月27日
毛囊炎當性病
毛囊炎當性病

婦產科醫生陳保仁喺節目《醫師好辣》上分享經驗,指出之前有一名女子發現自己陰部有突起物同有甩皮情況。當醫生問事主最近有冇性行為時,事主承認有,又表示男友啱啱喺大陸返嚟,怕惹上性病。但男友去泌尿科檢查發現係冇事,重強調自己係清白,不過女事主覺得男友有隱瞞。

最後女事主去做內診,查到陰部有突起同甩皮,再仔細一睇,其實係毛囊炎同青春痘發炎,因為同條褲磨擦磨到有突起物,再加上手痕去抓,最後就甩皮。醫生幫男友還咗個清白,而女事主要搽抗生素藥膏做治療。

英國倫敦大學臨床皮膚學碩士陸宏隆醫生指出有「儜仃肉」之稱嘅突起物,多數生喺頸部、腋下同大腿內側嘅位置。呢啲小肉粒都係皮膚正常組織,所以都有血管同神經線。通常呢類肉粒多數生喺肥胖人士身上。如果刻意整傷同處理不當,就會流血,甚至會有炎症。