拆解身體內藏的科學密碼,來認識自己的身體吧。
為大家帶來運動及健康資訊。
飯前、飯後、隨餐 一次過食得唔得?
12月06日
飯前、飯後、隨餐     一次過食得唔得?
飯前、飯後、隨餐     一次過食得唔得?

有冇試過睇完醫生之後,拎啲西藥有啲要飯前食,有啲要飯後,有啲就要隨餐食?健仔小編就試過因為唔想煩而冇理會呢啲指示,喺食完嘢先一次過食,原來咁樣係大錯特錯!
根據中華民國藥師公會全國聯合會資料,要飯前食嘅藥都係容易因食物影響而減少吸收,空肚食可以避免影響藥效,同時減少如胃腸不適、噁心、嘔吐等副作用。
另外,例如非類固醇抗發炎止痛藥、含鐵劑嘅藥,如果飯後食可以減少腸胃不適嘅副作用,同時有更好療效,所以最好喺食飯後30-60分鐘內服用。
而隨餐食嘅藥,建議要喺食完第一啖嘢之後食,呢類藥通常係用嚟減少吸收食物中某種成分,例如有啲洗腎病人因出現高血磷症,需要隨餐食醋酸鈣或碳酸鈣藥品,以減少吸收食物中嘅磷;而有啲降血糖藥都係隨餐食,咁係因為驚患者食藥後相隔太耐先用餐,會引起過低血糖。
所以,下次要食藥時,都係乖乖地跟足指示啦!