近日天氣涼涼地，好多人喺假日都鍾意去行山，但係郊遊時如果唔小心畀蛇咬，可以點做呢？
台灣成大斗六分院急診室主任洪紹恩指，畀蛇咬第一件事係影相，咪住！唔係影你自己，係影條蛇，以便醫生參考，知道條蛇有冇毒。另外，要除低被咬肢體上嘅戒指、手錶等，以免肢體腫脹後壓迫壞死，同時用生理食鹽水或清水沖洗。
如果隨身有彈性繃帶，可以包紮一下，但唔好紮太緊，鬆緊度以可以插入一隻手指為原則。唔好用冰敷傷口，因為會增加肢體缺血壞死嘅風險。
值得一提係千祈唔好學電視劇咁搵人幫你吮血，因為分分鍾會搞到對方中埋毒！