拆解身體內藏的科學密碼,來認識自己的身體吧。
by 體健
by 體健
為大家帶來運動及健康資訊。
水土不服係病?
2018年12月21日
水土不服係病?
水土不服係病?

去旅行成日水土不服,唔通有病?中文大學中醫學院中醫推廣小組列出,水土不服係指初到一個陌生地區,由於地理環境出現轉變,身體未能及時適應新環境,而引起嘅一系列不適症狀,其中最主要出現嘅係胃腸不適問題,如食欲不振、腹瀉嘔吐等,而其他症狀就包括精神疲乏、皮膚痛癢、婦女月經不調等。

上海交通大學醫學博士周曉博指出人體腸道入面,存多好多唔同種類、數目驚人嘅腸道茵群。佢哋對維持人體正常消化吸收功能方面好重要。腸道菌群係由微生物按照一定嘅比例而成,呢啲微生物嘅組成同相對比例係喺長期生活中慢慢咁形成。每個人嘅情況都唔同。當你去到一個新地方後,飲食習慣改變,自然影響原本嘅腸道微生物,從而出現腸道微生態失調。所以就解釋到點解水土不服時,腸胃會特別唔舒服。

點樣解決水土不服問題?其實水土不服帶嚟嘅不適係暫時性,一般只需幾日時間,身體就會調整到,唔舒服嘅症狀都會消失。但適應力較差嘅人,症狀可能會較明顯。如果症狀長時間都消失唔到嘅話,可以試下服用藿香正氣丸或者保濟丸解決惡心嘔吐、腹痛腹瀉嘅問題。