拆解身體內藏的科學密碼,來認識自己的身體吧。
by 體健
by 體健
為大家帶來運動及健康資訊。
不停生頭瘡點算好?
2018年12月24日
不停生頭瘡點算好?
不停生頭瘡點算好?

冬天或乾燥天氣,頭皮特別容易痕同生頭瘡。其實呢啲所謂嘅頭瘡好多時係毛囊炎而引起。

中醫師賴睿昕指出當皮膚長期處於通風唔好、潮濕悶熱嘅環境,就有可能令毛囊受刺激而出現發炎反應。好似冬天氣溫轉涼咁,好多人鍾意穿戴厚重嘅毛帽保暖。

但要留意,如果長期配戴毛帽,而又冇做足清潔同畀頭皮疏氣,好易令頭頂喺悶熱環境下出現毛囊炎,進一步甚至可引致脫髮、禿頭等問題,影響頭皮健康。

另外,肺胃積熱都會引致毛囊炎。頭頂太悶熱會令油脂阻塞毛孔,最後導致毛囊炎。

如果身體出現毛囊炎症狀,即係代表體內出現嘅失衡狀況已經持續咗好耐。唔想毛囊炎不停纏身,建議平時要有充足睡眠同保持頭皮乾爽。重要記得戒高糖、高油脂、辣等刺激食物呀!