美食當前,如何才吃得「有營」?
by 體健
by 體健
為大家帶來運動及健康資訊。
Google最熱門搜尋食物-桃膠
2018年12月13日
Google最熱門搜尋食物-桃膠
Google最熱門搜尋食物-桃膠

日前Google香港公布咗2018最熱門搜尋食物,頭3位分別係:桃膠、豆腐同雞翼。

近年突然變成女士新寵嘅桃膠,又被稱為「平民燕窩」,其實佢嘅功效係咩呢?香港營養師學會認可營養師李杏榆指,桃膠、雪耳及蒟蒻等食材性質好似,都係屬於高水溶性纖維特性嘅食材。功效主要為促進腸道蠕動。中醫角度指出,桃膠性苦平、有清濕熱功效,可舒緩尿道炎、痢疾等問題。桃膠本身有植物性蛋白質,好多人都以為食完可以補充皮膚骨膠原,但其實桃膠同花膠、燕窩等動物性蛋白質唔同,因人體唔會透過植物性蛋白質直接補充皮膚骨膠原,但桃膠有好高纖特性,有助便功效,所以亦有間接美顏嘅作用。

各位要留意,好多人會配合鮮奶、冰糖或木瓜等製成糖水。但由於桃膠本身係冇味,好多人會用多咗冰糖去調味,從而唔小心咁吸取過多熱量,所以建議大家用代糖取代冰糖。

提提大家,因為桃膠豐含蛋白質同高水溶性纖維特性,所以有胃病、體質虛、腎病嘅人士食前要諮詢醫生先好食呀!