拆解身體內藏的科學密碼,來認識自己的身體吧。
為大家帶來運動及健康資訊。
寶寶5個月大就生滿腎石
2018年12月24日
寶寶5個月大就生滿腎石
寶寶5個月大就生滿腎石

成都商報報導指出,四川巴塘縣一名5個月大嘅寶寶翁姆全身出現浮腫,超過20個鐘無法排尿。後來翁姆屋企人帶佢到四川省人民醫院睇醫生。

主診醫生覃道銳指經超聲波檢查後,發現翁姆有腎積水問題,腎入面生咗好多細小結石,把輸尿管上方堵塞,更發現佢嘅血肌酐值達到300 umol/L,存有急性腎功能不全症狀同患有膿毒血症,要即刻做手術。
手術後第2日,翁姆終於順利排出800毫升尿液,血肌酐值亦逐漸回復正常,但仍要留院進行抗細菌感染同引流等治療。

翁姆冇先天疾病,但點解5個月大就生咁多腎石?經了解得知,原來係因為父母喺翁姆出世後第3日,不停向佢餵食副食品所致。

最後,醫生提醒6個月以下嘅寶寶,只適合食母乳或第一階段配方奶粉。建議家長無須急於給予寶寶副食品,如鈣片、魚肝油等。就算食都要等寶寶大個啲先食,食之前亦最好先諮詢醫生意見!