美食當前,如何才吃得「有營」?
by 體健
by 體健
為大家帶來運動及健康資訊。
本地蠔絕對唔可以生食!
2018年12月14日
本地蠔絕對唔可以生食!
本地蠔絕對唔可以生食!

日前TVB飲食節目《香港原味道》介紹即食流浮山生蠔,內容指啲蠔因經淨化處理,可以生吃。節目出咗冇耐,食安中心同漁護署隨即向公眾強調香港出產嘅蠔只適合熟食。

據相關新聞指,政府資助生產嘅流浮山「淨化蠔」只可以淨化細菌,而唔可以淨化病毒。而生蠔正正係被認為最常見引起諾如病毒食物中毒嘅食物。食安中心更指,就算經淨化處理,香港生蠔都係唔適合生食。

同時,漁護署亦透過facebook專頁澄清,喺漁業持續發展基金資助流浮山出產優質蠔嘅資助條款入面,訂明項目生產嘅蠔產品必須要徹底煮熟後先可以食用,亦提到早前漁護署署長梁肇輝到訪蠔淨化廠時,都只係食用煮熟嘅本地蠔,並再一次強調本地蠔唔可以生食。

所以,大家要留意,唔理係本地蠔定係其他地方嘅蠔,都記得要徹底煮熟先好進食,以免食物中毒呀!