健康是最大的財富,來看看追求活力人生的故事吧。
by 體健
by 體健
為大家帶來運動及健康資訊。
為媽媽再當一次學生
2018年12月18日
為媽媽再當一次學生
為媽媽再當一次學生

成都晚報報導,31歲男子王強喺一間手機組裝公司工作,2個月前唔小心將手機整唔見。由於嗰部手機係公司測試版手機,所以冇Set密碼。而手機被另一位男子趙先生執到,佢諗住打開微信訊息去聯絡失主。
點知趙先生睇到王強手機嘅微信存檔,置頂嘅對話紀錄係機主用高中生身份同媽媽傾偈,好似「媽,我起床了,今天上午有2節語文課,晚上聊,手機不帶了。」令到趙先生覺得好奇怪,因為佢一直認為失主係上班族。

直到還手機嗰時,王強先同趙先生解釋,原來王強嘅媽媽喺2013年證實患有腦退化症,去到2015年病情惡化,由於部分記憶喪失,停留咗王強係高中生嗰刻。今年31歲嘅王強,為咗令媽媽安心,就每日都扮高中時期嘅自己,向母親匯報所有生活行蹤。另外,佢每晚都會著上高中制服同媽媽視訊傾偈,一著就著咗3年日。

開頭王強都會糾正指自己唔再係學生,但媽媽忘記同解釋嘅次數越來越多,就決定將錯就錯,佢認為咁樣做媽媽更開心。希望媽媽可以得到合適嘅治療方法,令病情唔好再惡化。