拆解身體內藏的科學密碼,來認識自己的身體吧。
by 體健
by 體健
為大家帶來運動及健康資訊。
驚喜的懷孕
2018年12月27日
驚喜的懷孕
驚喜的懷孕

英國18歲少女Saffron Heffer本身好瘦,條腰好纖細,睇外表係估唔到佢懷孕。有一日,Heffer媽媽留意到Heffer個肚中間有一條線,同孕婦嘅色素沉澱一樣,建議佢驗孕。但Heffer認為同男朋友分咗手一段日子,覺得自己冇可能懷孕。後來媽媽堅持要佢驗,一驗得出佢懷孕嘅結果,令佢感覺不知所措。去醫院檢查時,醫生指出胎兒已經差唔多有9個月大。

Heffer描述,之前一直以為月經遲嚟係避孕丸副作用,前幾個月重如常做運動、曬太陽燈,體重亦減少咗。懷孕前佢著英國10碼嘅牛仔褲,但有咗bb後反而更瘦。點解寶寶已經9個月大,但佢個肚冇鼓起?
原來因為Heffer嘅胎兒位置唔正確,導致腹部冇隆起。發現情況後,助產士幫佢移正胎兒,個肚就好似充咗氣咁漲起。今年6月,Heffer順行誕下bb,更表示享受成為媽媽。

喺孕婦懷孕期間,胎兒會喺子宮內間唔中改變位置,一般到咗36星期,寶寶嘅方向會自動變成頭下腳上。但當出現胎位不正嘅情況,好似橫躺、臀部向下、面向母親等,就需要進行胎位不正外轉術(External Cephalic Version)。