拆解身體內藏的科學密碼,來認識自己的身體吧。
by 體健
by 體健
為大家帶來運動及健康資訊。
冬天個人易抑鬱
2018年12月28日
冬天個人易抑鬱
冬天個人易抑鬱

台北市立聯合醫院仁愛院區中醫科主治醫師周宗翰表示,「季節性情緒失調症(SAD)」係指天氣變化令人產生一種憂鬱效應。由於冬天嘅日照偏少,容易令新陳代謝、內分泌系統等生理機能處於抑制同埋失調嘅狀態,繼而令人情緒受到影響,精神狀態好易紊亂。

另外,冬天嘅天空因受氣候影響,容易變得好灰濛濛,環境因素會影響人嘅心理,促使你更容易產生消極同失落嘅情緒。所以,好多人一到冬天就會情緒比較低落、冇精神同易攰。如果情況嚴重啲,可能會有集中唔到精神、成日諗負面嘢、心律不正、失眠等問題。

要預防有「季節性情緒失調症(SAD)」嘅話,建議平時多啲做運動去放鬆個人,要有充足睡眠。同埋飲食方面,要盡量食得清淡,少啲食好似打邊爐、麻辣等刺激食物,因為啲食物會令人更熱氣,同埋情緒更難控制。