健康是最大的財富,來看看追求活力人生的故事吧。
by 體健
by 體健
為大家帶來運動及健康資訊。
香口膠減肥失敗
2018年12月19日
香口膠減肥失敗
香口膠減肥失敗

英國倫敦一名女子Megan Brewer,18歲嗰年加入舞蹈學校後,經常都要進行高強度體能訓練,好似每日都要去健身房訓練幾個鐘,要參加兩個瑜珈班,重要每星期進行馬拉松特訓,以維持體態。

佢慢慢鍾意同同學比較體態,為咗贏就開始迫自己節食。早餐食蛋白,午餐食生菜同熟蛋,晚餐就食魚肉配生菜,體重最輕時只得30幾公斤。

為咗抑制食慾,佢每日會食15塊香口膠,要keep住咀嚼嘅動作,令到自己感到食緊嘢嘅狀態。亦因為呢個唔健康嘅節食,令佢兩頰比一般人腫大2倍,下顎經常處於痠痛狀態。

去到上年年底,佢身體開始出現問題,好似肌肉無力,無法進行跳躍動作,行路會突然跌親。今年年初,確診患有厭食症,要到醫院接受治療。

最後,醫生重新調配飲食,Brewer逐漸恢復正常,佢亦離開舞蹈學校,唔做演員,投身新事業,開始專門幫助類似疾病嘅患者。