拆解身體內藏的科學密碼,來認識自己的身體吧。
為大家帶來運動及健康資訊。
惡臭惹嚟陰莖癌
2018年12月19日
惡臭惹嚟陰莖癌
惡臭惹嚟陰莖癌

據《瀟湘晨報》報導,大陸湖南省株洲市一名20歲男子喺讀大學二年級時,開始成日感到下體好痕,但因為驚尷尬而冇出聲。經過幾年後,佢屋企人發現事主間房成日飄出惡臭,同埋佢身上都有股異味,而事主嘅內褲一直都唔畀屋企人洗,最後因為阿媽追問下,先講出實情,重答應去醫院檢查。

主治醫生朱軍指出事主嘅生殖器呈現「椰菜花狀」,上面有1顆直徑約10公分嘅小球,唔單只有糜爛情況,重有惡臭味。後來,確診事主患陰莖癌,為防止癌細胞擴散,只好切除生殖器去保命,而男子母親得知病情後當場崩潰。

醫生再解釋,事主陰莖癌係從包莖發展而來,因為內部滋生細菌引發炎症,再加上尿垢、尿液嘅積累,最後就誘發感染惡化成陰莖癌。醫生又表示事主不可能再有性生活,但仍可以用人工授精嘅方法去傳宗接代。