健康是最大的財富,來看看追求活力人生的故事吧。
為大家帶來運動及健康資訊。
南韓嚴重醫療失誤
2018年12月19日
南韓嚴重醫療失誤
南韓嚴重醫療失誤

根據《SBS》報導,姜姓婦人獨自撫養患有精神障礙嘅兒子,但喺5年前佢不幸患有癌症,一定要入院治療,唯有將仔仔送到醫院嘅精神科去住。

喺事主住院期間,佢曾經要求去探兒子但多次畀院方拒絕。理由係怕兒子睇到母親會影響治療結果。去到今年10月,兒子因需要被轉去其他醫院,新醫院為咗確認病患身分,將照片同身分確認書寄畀事主,佢一睇就發現,呢個被轉院嘅人唔係自己個仔,嚇到即刻聯絡原本間醫院,冇諗到得到嘅回覆係兒子喺2年前就死咗,且遺體都已經被火化,令佢震驚到無法接受。

喺婦人追問下,院方先承認,3年前兒子轉到呢間醫院時,醫護人員喺運送途中,將佢同另一個症狀相似嘅病人李先生掉轉,重交換埋病床。當時因為病床上冇貼上姓名,醫護人員又冇按照程序向家屬確認身分,所以導致呢件咁離譜嘅事發生。

院方更聲稱,由於事發3年,無法確認當時出錯嘅醫護人員係邊個,所以無法追究責任。最後,事主決定對醫院提告,希望幫兒子攞回一個公道。