有個台灣女仔突然胃部劇痛，痛到要彎晒腰咁去睇醫生，醫生為佢照胃鏡時，竟然發現喺胃皺褶部分，有一條活生生嘅白色小蟲。
醫生於是用切片鉗捉蟲，一夾上去時先知條蟲竟然用力咬住胃壁，醫生要拉幾下先可以成功令佢鬆口。經研究下，呢條係海獸胃線蟲，原來病人曾食過魚生！所以大家食魚生時，真係要特別小心了解食物來源，去有信譽嘅店家進食，想安全啲嘅話就索性唔好食魚生，將海鮮煮到全熟先食。