拆解身體內藏的科學密碼,來認識自己的身體吧。
為大家帶來運動及健康資訊。
坐定睇電視會有深層靜脈栓塞?
05月17日
坐定睇電視會有深層靜脈栓塞?
坐定睇電視會有深層靜脈栓塞?

打工仔經過一日打拼,放工好多時都唔想郁攤喺度,寧願坐喺梳化睇電視、睇波,返工坐放工又坐,但要小心生活過度靜態而令正常血液循環流動受影響。分分鐘患上俗稱「經濟客位綜合症」嘅深層靜脈栓塞(venous thromboembolism、簡稱VTE)。

美國有一項研究分析逾1.5萬名45至64歲人士嘅健康數據,其中超過700人喺研究跟進期內患有VTE,分析重顯示有長時間睇電視習慣嘅參加者,比較少或唔會坐着睇電視嘅人,患有VTE嘅風險高70%。 研究又顯示成日睇電視嘅參加者,即使間唔中做運動或體重適中,患VTE嘅風險都比少睇電視嘅組群高。

最後,研究更說到生活過於靜態有機會增加血液唔正常而凝固,導致有深層靜脈栓塞風險。專家建議唔應持續坐多於一、兩小時,睇電視期間亦要郁下身體。