週末限定:自閉症小童剪頭髮
週末限定:自閉症小童剪頭髮
週末限定:自閉症小童剪頭髮

幫自閉小朋友剪頭髮一啲都唔容易,因為佢哋聽到、睇到甚至聽到嘅都同一般人唔同!剪髮過程入面,自閉症小朋友可能因為聽到啲機械嘅聲音變得好焦躁,同埋會好難集中。好多時,佢哋會喺鋪入面走嚟走去或瞓地,甚至做出反抗嘅舉動,因而令髮型師好難繼續進行。

而英國西南部有一間髮型屋,入面嘅髮型師詹姆斯(James Williams)用佢嘅耐心同愛心,成功收服咗自閉症孩童嘅心, 佢唔介意瞓喺地上幫佢哋剪頭髮,畀玩具佢哋玩,重會鼓勵同安撫佢哋。
喺2015嗰時,James第一次幫自閉小朋友剪髮,嗰一名小男孩叫Mason。因為Mason曾經有唔開心嘅剪髮經驗,所以唔鍾意剪髮。初頭James攞住鉸剪接近Mason時,佢驚到四處跑。後來佢趴咗喺地下玩手機,James就慢慢將工具放喺地上,自己都趴喺地上。融入咗Mason世界後,獲得佢嘅信任,成功幫到佢剪髮。剪完之後,Mason重送咗個擁抱畀James。

自從幫Mason剪完頭髮後,James就決定往後嘅星期日都要幫自閉症小朋友剪髮,重認為呢件係人生做過最啱嘅事。
James真係真真正正自閉症小朋友嘅專屬天使!多謝你嘅大愛!
__________________________________
睇精彩短片