為咗贏就要辣到盡
為咗贏就要辣到盡
為咗贏就要辣到盡

中國湖南寧鄉炭河古城喺前幾日,舉辦咗一場食辣椒比賽,參賽者必須坐喺泡滿3噸(約3000公斤)辣椒池子入面,比賽食辣椒。

每位參賽者分別攞到50隻朝天椒,邊個食最快食完就會成為冠軍。喺最後呢場比賽由嚟自寧鄉嘅唐帥輝,以1分08秒嘅紀錄奪冠軍,重攞走24K純金金幣嘅大獎。 
見到人食辣食得咁勁,真係會好驚訝佢哋點做到。食辣呢樣嘢好睇你平時嘅飲食習慣,有啲人真係會逐啲辣咁練上去,由細培養食辣呢個習慣。

但如果平時你唔太食得辣但又想食辣野可以點算呢?

專業營養師Darwin Chu指出,基本上甜酸苦辣嘅「 辣 」唔係味覺 , 而係一種痛覺。要舒緩辣嘅感覺,一般人認為食甜嘢可減辣,原理係在於以其他味覺刺激分散痛楚嘅感覺, 即係心理作用。好似愈強烈嘅味道如朱古力,分散嘅作用就愈大。而冰凍嘅鮮奶含乳糖,對辣感有分散作用。

所以平時食辣嘢嗰時,可以試吓叫杯奶茶或者奶,可以舒緩辣味帶嚟嘅刺激感覺。

當然啦,建議大家唔好為咗練辣而淨係食辣,食辣宜作為一種食物嘅調味同配搭,唔應成為一種 主味,要適可而止呀!
__________________________________
睇精彩短片