學識讚美,凡事感恩

影片係一首輕快嘅音樂再配搭幾位女士嘅簡單舞步,跳近年流行嘅讚美操。而背景音樂其實係由台灣基督教教友吳美雲老師自創,佢利用聖經嘅話編纂嘅《不要生氣讚美操》,主要係想大家心平氣和,搭配上簡單易學嘅舞步,邊跳邊運動。

而讚美操嘅設計係結合優雅嘅舞蹈同呼吸配合各式健身運動,令到你全身嘅筋骨得以舒展。同時,朋友們可以透過做讚美操增強人際互動之間嘅良好關係,提昇年長者嘅生活品質。

讚美操唔單只係台灣好紅,近年呢個熱潮都吹到香港。香港更有團體組織咗一個名為讚美操嘅協會,佢哋會定期公布全港讚美操嘅活動地點。

如果你壓力太大,唔知點發洩嘅話,不妨去參與讚美操活動放鬆下!

健妹:上次經過公園見到好多老友記都喺度跳緊,去跳一定識到好多老友記啫!
__________________________________
睇精彩短片