【慎入】洗咗牙先會有人畀面!

你身邊有冇朋友好驚睇牙呢?

日本牙醫診所「The White Dental Clinic」喺YouTube share咗一條影片,內容係一名女子嘅口腔衛生好差,但又驚睇牙醫,所以積積下就有好大堆牙石,又搞到牙齦發腫發紅。個鏡頭照去佢啲牙時,畫面非常恐怖。去到近日事主終於求助牙醫,將所有牙結石清得乾乾淨淨。

最開頭嗰時係醫生幫事主用麻醉針,再用器具擴大佢嘴巴,跟住再用強力水柱沖洗牙齒,用鑷子將牙結石取出。片中重可以見到,牙結石已牢牢附著喺牙齦上,甚至比隻牙重要大,取下後牙齦留下凹洞,重滲出血水。

最後醫生將所有牙石清除,影片最後貼出前後對比照,亦可以見到清除完後牙齦消腫好多,成排牙都靚返晒。

其實定期洗牙係必須的,因為除咗唔好畀牙石影響外觀外,重可以保持口腔健康添!記得定期洗牙呀!
__________________________________
睇精彩短片