一路走來都唔簡單

片中主角喺嚟自英國嘅兩歲小朋友Wilson Sweeney。喺佢一歲嗰時,被醫院診斷有腦性麻痺症,肌肉控制同平衡力都受到影響。雖然已經兩歲幾,但就唔可以好似一般小朋友咁跑嚟跑去,就連靠自己嘅力量企起身都好難。

但有一日,佢喺媽媽嘅輔助下,初次企喺水漥入面嬉戲。而片中,亦可以睇得出Wilson一邊好開心咁笑,一邊用雙腳踢水玩。呢個動作,對一般小朋友嚟講係非常簡單嘅動作,但對Wilson嚟講就係非常困難同珍貴。

目前Wilson嘅屋企人正籌資差唔多100萬港幣嘅手術費用,去幫仔仔進行選擇性脊神經後根切斷術(SDR),如果手術成功,Wilson就有望靠自己坐著、走路,甚至同一般孩子一樣咁做小朋友想做嘅嘢。希望Wilson可以健健康康咁快高長大,有一個更開心嘅童年!
__________________________________
睇精彩短片