25年嚟第一次分別

近日,美國一名53歲患有唐氏綜合症嘅男子科布林克(Matt Cobrink),飛咗去紐約睇棒球隊「洋基隊」嘅成員,要離開爸爸5日。

喺25年前,母親過世後,佢幾乎冇離開過屋企人身邊。早前佢收到邀請去紐約睇佢最愛嘅棒球明星,所以佢要離開屋企5日。當佢回程返屋企時,一到達機場,見到5日冇見嘅父親,即刻急不及待衝上前抱住爸爸,又不斷錫爸爸,兩父子嘅情深令身邊啲朋友睇到好感動。 

而呢一幕被科布林克妹妹錄低咗,重share到社交平台,妹妹後來亦表示呢一幕比返到屋企更好。我哥哥只係離開屋企5日,就咁掛住爸爸。

妹妹同時希望大家可以多啲了解患有唐氏綜合症嘅朋友,佢哋唔係有啲咩疾病,只係一種「綜合症」,就算哥哥科布林克患有唐氏綜合症,佢重可以帶給大家好多嘅愛。
__________________________________
睇精彩短片