不能倒下的人生

台灣嘉義一名青年黃順龍,細細個就患脊髓性肌肉萎縮症(SMA),因為呢個罕有病令佢四肢持續萎縮,致脊椎嚴重歪曲,身體只得返手指嘅部分可以郁,而食飯、沖涼、著衫等等日常生活都要父母協助照顧。
雖然身體滿有限制,順龍都冇放棄對滾球運動嘅熱情,喺今年5月佢代表嘉義市參加全國身心障礙國民運動會,甚至被邀請做中信兄弟主題日「大象牽小象」嘅開球嘉賓。

順龍嘅下肢漸漸冇力、連企起身都好難。自幼稚園後開始坐輪椅,去到四、五年級時脊椎變得嚴重歪曲,開始受到大眾奇異眼光。有時聽到啲小朋友問媽媽,「他是不是生病了,還是怎麼樣了?」就算係冇心都好,順龍都會感到受傷。而父母都清楚明白這一切,只好盡量令順龍生活上變得更樂觀。

父母一直係順龍身邊陪伴,漸漸成為佢最大動力。對於未來嘅夢想,順龍就講咗個聽落好簡單但對佢意義重大嘅夢想,佢好希望每日都可以好開心咁同爸爸媽媽一齊生活。

希望順龍可以一日活得比一日很精彩!
__________________________________
想睇精彩短片,即去:http://bit.ly/2IRwZ8a