C形脊骨十日根治

美國17歲男子Muntathar成個身體彎曲到好唔正常,佢痛到唔想生存咁濟。最後,佢決定飛去澳洲墨爾本接受最後一次嘅治療,但最後被呢位脊骨神經醫生醫好咗!

Muntathar之前因為拔樹根嗰時,唔小心整傷咗腰部,由嗰日開始佢條腰就無法豎直。整傷咗3個月都搵唔到治療方法。直到佢知道澳洲一位有20年脊骨神經經驗醫生伊恩 (Dr Ian Rossborough)好出名,就決定再試最後一次。

治療過程入面,一開始醫生先幫佢做簡單檢查同照X光。發現Muntathar嘅情況係骶髂關節紊亂問題,就決定做推拿治療。只係接受頭一日療程,佢已經可以喺夜晚瞓得著,因為之前日日都痛到瞓唔到。
最後,經過10日療程,佢終於可以再一次豎直個人站立,甚至可以做瑜珈動作。Muntathar爸爸見到療程咁成功,重激動到喊出嚟,重一直講唔敢相信係真實。

好開心Muntathar當日冇選擇放棄生命,佢嘅故事再一次話畀大家知,只要堅持就一定成功!

(影片來源:Chiro Core)
__________________________________
睇精彩短片